Не е непознат фактот дека филмските, музичките или спортските ѕвезди ги осигуруваат деловите од телото, особено оние кои се неопходни за нивната работа, за во случај да им се случи нешто, да ја надоместат изгубената заработка.
Но, колкава е шансата нешто да му се случи на некој познат спортист? Голема, особено ако играат на елитно ниво, пишува веб-страницата ‘Се за парите”. Ова е причината зошто многу спортисти ги осигуруваат своите делови од телото.
Што е осигурување на делови од телото?
Осигурувањето на делови од телото е посебен вид на инвалидско осигурување кое обезбедува можност да се спречи финансиска пропаст доколку лицето не е во состојба да работи.
Осигурувањето на делови од телото не е достапно за пошироката јавност бидејќи не е обезбедено од традиционалните осигурителни компании и е многу персонализирано. Сепак, нема причина зошто не можете да купите ако можете да си го дозволите.
Фудбалерит со осигурени делови од телото
Лионел Меси (нозе): Секој пат кога аргентинскиот магионичар ќе ја допре топката со левата нога, целиот свет застанува и гледа. Овој фудбалер има најскапо осигурување на делови од телото во спортот, со полиса од 900 милиони долари на левата нога.
Кристијано Роналдо (нозе): Овој португалец е најпопуларен во светот. Неговата напорна работа, дриблинг и неверојатна завршница го направија еден од најдобрите фудбалери на планетата. Со овие извонредни вештини, шансите за повреда се секогаш поголеми. Меѓутоа, во 2009 година, Реал Мадрид купи полиса за осигурување на нозете на нивната ѕвезда за околу 144 милиони долари.
Дејвид Бекам (нозе): Најстилскиот фудбалер кој некогаш ја играл играта има и една од најскапите полиси за осигурување. Во 2006 година Дејвид одлучи да ги осигура двете нозе на неверојатни 195 милиони долари. Подоцна го надградил своето осигурување за да го покрие целото тело за околу 225 милиони долари.
Герет Бејл (нозе): Бејл е познат по својот уникатен стил и игра. Неговото експлозивно темпо ги плаши бранителите. За да се заштити од финансиските последици од повредите, Герет Бејл има осигурување на нозете од околу 100 милиони евра.
Мануел Нојер (раце): Рацете се неговото оружје како голман. Затоа што за да бидете еден од најдобрите на светот, потребни ви се силни раце за да се справите со сите опасности што ја загрозуваат вашата цел. Затоа во 2014 година Мануел Нојер ги осигура рацете на 3,5 милиони долари.
Икер Касиљас (раце): Икер Касилјас, шпанска легенда и еден од најдобрите голмани во светот, реши да се пензионира во август 2020 година, но ги осигура рацете на 10 милиони долари. Касиљас еднаш се пошегува откако се согласи на полиса за осигурување: „Го повредив коленото, но ќе се однесувам како да ме боли раката“.
