Твитер денеска повторно ќе ја покрене ажурираната верзија на својот претплатен сервис „Твитер Блу“, а цената ќе биде нешто повисока за корисниците на „Епл“, објави американската компанија.
Новата верзија ќе им овозможи на корисниците да уредуваат твитови, да поставуваат видеа од 1080p (full HD) и да добијат сина ознака дека сметката е потврдена, објави Ројтерс.
Твитер не објасни зошто на корисниците на Apple им се наплаќа повисока цена од другите, но медиумите објавија дека американската компанија бара начини да ја надомести провизијата што се наплаќа во Apple Store.
