Мохамед Салах, конечно, го постигна својот прв гол во Премиерлигата оваа сезона, но во совршен момент, за да ги предводи Ливерпул до охрабрувачка 1:0 победа над Манчестер сити за најава за враќање на „црвените“ на вистински пат по лошиот старт на сезоната.
Манчестер сити, како и секогаш под Пеп Гвардиола, има повеќе од играта и од поседот на топката, но Каталонецот остана со неславен рекорд на „Енфилд“ доживувајќи го првиот лигашки пораз во Англија по 21 меч, за да останат на четири поени зад изненадувачките лидери Арсенал, додека Ливерпул се враќа во топ 10.
Сити беа први кои ја сместија топката во мрежата, откако Фил Фоден во 53. минута се најде на вистинско место по асистенцијата на Ерлинг Халанд, но судијата Ентони Тејлор реши да го поништи голот поради претходен фаул на големиот Норвежанец. „Опсадата“ на голот на Ливерпул продолжи, но „црвените“ дојдоа до голот, кога Мохамед Салах во 75. минута со фантастичен продор успеа да се запише во листата на стрелците.
Борбата на теренот стана многу жестока, со повеќе жолти картони, а Јирген Клоп доби и црвен картон откако му се внесе во лице на линискиот судија бесен на една одлука.
