Во јавноста се појави текст кој ги обвинува репрезентативците на Словенија за непрофесионално однесување за време на Европското првенство. Словенците ја шокираа целата кошаркарска јавност кога во четвртфиналето беа елиминирани од Полска.
Веб-страницата „bhbasket.ba“ во вторникот излезе во јавноста со информација дека кошаркарите „пиеле до пет часот наутро“ пред четвртфиналниот натпревар на Евробаскетот.
„Мамурни од пиење и јадење, „змајчеки“ излегоа да играат против „жешката“ и шутерски расположената Полска. Си поминаа како „боси по трње“. За слабостите им беа виновни судиите, а по натпреварот на прес-конференцијата Лука Дончиќ, лидерот на тимот, „се истури со пепел“. Очигледно не без причина, бидејќи многу добро знаел што направиле само 15-тина часа пред многу важниот натпревар. Словенците итро го сокрија пијанството, го турнаа под тепих, но во јавноста во Словенија остана горчлив вкус по четвртфиналниот натпревар и поразот од Полска Барем сега знаат за што се работи“, стои во текстот на споменатиот портал.
