Јужнокорејскиот производител „Samsung“ се повлекува целосно од бизнисот со производство на „LCD“ екрани, дури 6 месеци порано од првично планираното.
Во текот на месец мај оваа година, „Samsung“ одлучи да ја затвори својата последна фабрика за „LCD“ екрани од 8,5 генерација во Јужна Кореја, што се случи еден месец подоцна. Со овој потег „Samsung“ практично и целосно се повлече од бизнисот со производство на „LCD“ екрани, дури 6 месеци порано од првично планираното.
„Samsung“ во иднина ќе се фокусира исклучиво на развој и производство на панели со органски диоди кои емитуваат светлина (OLED) и технологија „Quantum Dot“ (QD).
Затоа, целиот персонал кој беше ангажиран за производство на „LCD“ екрани ќе биде префрлен во капацитетите за технологија „QD“.
Иако „Samsung“ сега официјално се повлече од бизнисот со „LCD“ екран, сепак има многу патенти во областа на „LCD“ технологијата. Според веб-страницата „TheElec“, „Samsung“ ги префрлил сите „LCD“ патенти од САД и Јужна Кореја на компанијата „CSOT“ во текот на јули и август оваа година.
Треба да се има предвид дека „Samsung“ има регистрирано над 500 патенти поврзани со технологијата на „LCD“ екран, и тоа само во САД. Со завршувањето на оваа трансакција, „Samsung“ ќе продаде над 2.000 „LCD“ патенти ширум светот, со што официјално ќе заврши деловната ера на одделот „Samsung LCD Display“.
„CSOT“ го усвои производството на „Samsung LCD“ во фабрика изградена во 2020-та година во кинескиот град Сужоу. Поради недостатокот на експертиза во процесот на технологијата на „LCD“, тој беше ранлив на судски спорови за патенти во САД. Новата трансакција и трансфер на технологија имаат за цел целосно да ги елиминираат ваквите ситуации во иднина.
Извори блиски до индустријата за „LCD“ екрани веруваат дека овој дел е прилично забавен во текот на последните неколку години, така што овој потег за собирање патенти може да се види повеќе во светлината на неговото користење за потребите на водење судски случаи со цел да се спречи конкуренција.
Во текот на летото, делегација од компанијата „TCL“ го посети „Samsung“ за договор за набавка на „LCD“ панели. „Samsung“ е вториот најголем клиент на „LCD“ екрани од „CSOT“ со удел од 25%, а само „TCL“ е поголем од него со 50% удел во продажбата на „CSOT“, од кој е мнозински сопственик.
Со повлекувањето на „Samsung“ од бизнисот со „LCD“ и намалувањето на нарачките од компанијата „БОЕ“, „Samsung“ дефинитивно ќе ги задоволи своите потреби со екрани од фабриката „CSOT“. Особено што „Samsung“ поседува акции во споменатата компанија.
