Рома и Кремонезе вечерашниот натпревар ќе го искористат и да ги заклучат преговорите околу трансферот на Феликс Џан. Минатата есен, Европа слушна за овој напаѓач, кога Жозе Мурињо си го исполни ветувањето и му купи патики од 800 евра. Тогаш Џан со два гола и ја донесе победата на Рома над Џенова.
Во меѓувреме, тоа беа единствените голови кои 19. годишниот напаѓач од Гана ги постигна за Рома. Мурињо е подготвен да се откаже од него и да го испрати во Кремонезе, особено по последниот инцидент на тренингот на „волчицата“.
Во желбата да дојде до топката, Џан со остар старт му ја скрши ногата на големото засилување Џини Вајналдум. Холанѓанецот ќе отсуствува три месеци и ќе го пропушти Светското првенство во Катар.
Трансферот на Џан ќе ја отвори можноста Рома да го донесе Андреа Белоти, кој е слободен играч откаку му истече договорот со Торино.
