Веб-страницата „MakeUseOf“ создаде листа на најсимнуваните апликации од „Google Play Store“. На првите четири места се апликациите кои се во сопственост на компанијата „Мeta“.
Според сајтот, постојат неколку апликации кои 2,8 милијарди активни корисници на „Android“ платформата најчесто ги преземаат од популарниот 2Google Store“.
Треба да се напомене дека „MakeUseOf“ не ги вклучи во својата листа апликациите што се претходно инсталирани на уредите со „Android“. Тоа значи дека „Google Play Services“ (10 милијарди преземања), „Gmail“ (девет милијарди), „Google Maps“ (6,9 милијарди), „YouTube“ (10 милијарди) не се на листата. Апликациите што се претходно инсталирани на телефоните „Samsung“ исто така не се вклучени.
1. „WhatsApp“
Популарната апликација има 8,413 милијарди преземања и е најпопуларна алатка за инстант пораки во светот, а која е бесплатна.
2. „Facebook“
Иако долго време беше на првото место, бројните скандали, сомнителните практики за приватност и движењето #DeleteFacebook не влијаеја премногу на апликацијата, која сè уште е на врвот (6,95 милијарди преземања) и е бесплатна за корисниците.
3. „Facebook Messenger“
Присуството на „Facebook Messenger“ на третото место (5,67 милијарди преземања) покажува колкава контрола има империјата Цукерберг на пазарот на апликации за телефони. „Facebook Messenger“ е исто така бесплатна апликација.
4. „Instagram“
„Instagram“ е уште една бесплатна апликација од системот „Meta“, а неодамна доби голем број ажурирања, привлекувајќи уште поголем број корисници (4,197 милијарди преземања).
5. „TikTok“
Меѓу Топ 5 најсимнувани апликации на „Play Store“ е „TikTok“ (2,843 милијарди преземања), за која корисниците не треба да платат ништо.
