„Lexus“ ги објави првите фотографии од малку необичниот концепт на возилото „NF-NX“ кое ќе биде претставено на авто саемот во Франкфурт.
Се верува дека со него, премиум брендот на „Toyota“ ќе ја најави својата визија за новиот компактен кросовер… „NF-NX“ има многу остри и агресивни линии, но поединечните делови, како што е маската, се пропознатлив знак на „Lexus“.
Овој автомобил го карактеризира и посебна боја која се нарекува „Burshed Metal Silver“.
Кокпитот е посебно ориентиран кон возачот, доминира светло портокаловата боја и синото осветлување.
Техничките спецификации сеуште не се објавени, но од „Lexus“ потврдија дека во овој концепт ќе биде вградена новата верзија на хибридниот систем од „Toyota“, прилагодена за овој автомобил.