Американскиот производител на автомобили „Ford“ планира до 2020 година да ја зголеми годишната продажба на своите возила на осум милиони од 5,7 милиони во 2012 година.
Според оценката на директорот на компанијата Ален Мулали, „Ford“ за остварувањето на таа цел се потпира на перспективните пазари на САД и Кина.
Во Европа пазарот на автомобили го допре дното, но во последниот период започнаа да се појавуваат знаци на закрепнување, изјави Мулали.
Тој, исто така, изјави дека „Ford“ има намера да ја зголеми својата оперативна профитабилност од осум на десет проценти, пренесува агенцијата Франс прес.