Шпанскиот прволигаш Реал Мадрид денес на својата официјална страница објави дека во сезоната 2012-2013 имал вкупен промет од 520,9 милиони евра, што е зголемување од 1,3 проценти во однос на минатата година.
„Кралскиот клуб“ така стана првиот спортски клуб во светот, кој две години по ред има промет од околу 500 милиони евра.
Што се однесува на нето заработката, Реал минатата година оствари профит од 36,9 милиони евра, што исто така е зголемување од 52,4 проценти во однос на минатата година.
Освен тоа, вкупниот долг на Реал е намален на 90,6 милиони евра, односно тоа е намалување за 27,4 проценти.