среда, 5 октомври 2022
ПочетнаЗДРАВЈЕСите лековити својства на јаболковиот оцет: Го намалува крвниот притисок, спас е...

Сите лековити својства на јаболковиот оцет: Го намалува крвниот притисок, спас е за дијабетичари, прва помош за слабеење

Јаболковиот оцет се користи во медицината повеќе од 10.000 години. Ви ги откриваме здравствените придобивки од оваа храна.

Јаболковиот оцет се користи во храната со векови, а таткото на медицината Хипократ го сметал за лековит пијалок.

Широко се користи и содржи важни минерали за раст, реставрација и одржување на организмот. Од калиум, натриум, магнезиум, калциум, фосфор, железо, флуор, до витамини Ц, А, Е, Б1, Б2, Б6, бета- каротин, биофлавоноиди, пектин.

Новите истражувања покажаа дека оваа храна помага при некои болести, како што се дијабетес или дебелина.

Главната состојка на јаболковиот оцет е оцетната киселина, додека останатите состојки се витамини, минерални соли и амино киселини.

Јаболковиот оцет го намалува крвниот притисок и им помага на луѓето кои страдаат од алергии, артритис, хроничен замор, грип, гихт.

Се користи во форма на облоги и како средство за триење за проширени вени и ревматски заболувања. Го отстранува чувството на замор, грчеви и болки во мускулите.

Им помага на дијабетичарите

Можеби најголемата здравствена придобивка од јаболков оцет е неговиот ефект врз нивото на гликоза во крвта. Неколку студии докажаа дека може да го намали нивото на гликоза.

Имено, испитаниците земале две лажички јаболков оцет пред спиење, а наутро нивото на гликоза им се намалило за 6 отсто. Сепак, оваа студија е направена на стаорци, допрва треба да се потврди на луѓе.

Го намалува нивото на холестерол

Јаболковиот оцет помага при висок крвен притисок и срцеви заболувања.

Друга студија на стаорци докажа дека може да го намали високиот крвен притисок. Друга студија докажа дека луѓето кои често јадат салата со јаболков оцет имаат помалку срцеви заболувања од оние кои не јадат.

Помага при слабеење

Стотици години, јаболков оцет се користи за оваа намена. Во 2005 година беше спроведена анкета на мал примерок од 12 испитаници.

Додека некои јадеа парчиња леб со неколку капки бел оцет со денови, други консумираа обичен леб. Испитаниците од првата група се чувствувале сити порано и подолго од оние од втората група. Ова се ветувачки резултати, но сепак само прелиминарни.

НАЈНОВИ ВЕСТИ

ХОРОСКОП