Компанијата „Atari“ оваа година го слави својот 50-ти роденден, а најновиот сопственик планира да го прослави овој јубилеј со објавување на колекција која обединува пет децении игри.
„Atari 50: The Anniversary Celebration“ ќе вклучува повеќе од 90 наслови, покривајќи ги конзолите „Atari 2600“, „5200“, „7800“, „ST“, „Jaguar“ и „Lynx“.
Покрај тоа, „Atari“ го ангажираше „Digital Eclipse“, студио кое ќе го надгледува проектот (познато по проектите „The Disney Afternoon Collection“ и „Street Fighter 30th Anniversary Collection“).
„Atari“ сè уште ја нема објавено целосна листа на игри кои ќе се појават во компилацијата, но покрај бројните класици, колекцијата ќе содржи и шест нови игри, кои се ретро-инспирирани.
Еден од нив е продолжението на играта „Haunted House“ од 1981-ва година за „Atari 2600“. „Haunted Houses“ ќе има модерна 3D графика и нови нивоа кои играчите ќе можат да ги истражуваат.
„The Atari 50: The Anniversary Celebration“ ќе чини 40 долари и пристигнува подоцна во оваа година на платформите „Xbox“, „PlayStation“, „Switch“, „PC“ и „Atari VCS“.
