6 април, 2025
ПочетнаАВТОБИЗ„Hyundai“ покажа со што ќе му конкурира на „Tesla Model 3“ (ФОТО/ВИДЕО)

„Hyundai“ покажа со што ќе му конкурира на „Tesla Model 3“ (ФОТО/ВИДЕО)

Корејскиот производител „Hyundai“ конечно го покажа својот „Ioniq 6“ со кој има намера да му конкурира на „Tesla Model 3“ на пазарот на електрични автомобили. Техничките спецификации на моделот ќе бидат откриени на 14-ти јули, а сега детално е прикажан изгледот на електричниот седан.

Претходно, „Hyundai“ го нарече возилото „електрифициран иноватор“ во однос на неговиот изглед. Каросеријата на „Ioniq 6“ има лачен облик што го прави да изгледа како автомобилот да се лизга во воздух. Врската помеѓу дизајнот и претходниот концепт „Prophecy“ е јасна, но засега нема информации за коефициентот на отпор на моделот за да се разбере колку е тој навистина аеродинамичен.

Предниот дел на седанот има чист, минималистички стил. Хаубата е мазна, а подигнатите делови на фаровите водат до столбовите А. Надворешните ретровизори се заменети со камери, а тркалата имаат краци со комплексен, асиметричен дизајн. Задниот дел е нагласено спортски, при што светлата имаат квадратни елементи налик на пиксели кои даваат ретро-футуристичка естетика на дизајнот. На дното има пар вертикални елементи со црвени и бели рефлектори во мали квадратни елементи кои одговараат на другите задни светла.

„Hyundai“ не дава никакви технички детали за внатрешноста, но можеме да научиме многу за тоа само со поглед на фотографиите. Посебните екрани за дигиталната инструмент табла и инфозабавниот систем делат една плоча. Контролната табла се искривува за да направи простор за дисплеи што прикажуваат слика од надворешните камери.

Панелот под контролната табла има сет на копчиња за контролирање на системот „HVAC“. На воланот има и копчиња со два краци, а во средината има четири квадратни светла, а не се знае дали се украсни или извршуваат некоја функција. Фотографиите прикажани во кабината покажуваат лента од виолетови акцентни светла на контролната табла и сино осветлување кое доаѓа од долните панели на вратите. Многу е веројатно дека купувачот ќе може да избере други бои доколку не му се допаѓаат.

Што се однесува до техничкиот дел, „Ioniq 6“ е изграден на платформата „E-GMP“, која ја користат моделите „Ioniq 5“ и „Kia EV6“. Се известува дека седанот ќе биде достапен со батерија со капацитет од 77,4 kW/h. Верзијата со два електромотори ќе развива околу 300 ks, но ќе има и една со еден мотор.

НАЈНОВИ ВЕСТИ

ХОРОСКОП