четврток, 7 јули 2022
ПочетнаТЕХНОЛОГИЈАНамалена продуктивност, гадење и мигрена: Истражувањето ги покажа негативните аспекти на работата...

Намалена продуктивност, гадење и мигрена: Истражувањето ги покажа негативните аспекти на работата во виртуелна реалност

Пандемијата на коронавирус, меѓу другото, влијаеше и на целосна промена во начинот на кој работиме, бидејќи многу работодавци и вработени сфатија дека работата може да се врши исто толку ефикасно од далечина, од домашните канцеларии. Марк Цукерберг е убеден дека иднината носи уште една револуција во начинот на работа и дека класичните и домашните канцеларии би можеле да се заменат со канцеларии во – виртуелна реалност.

Но, пред неговата идеја за метаверзум, односно виртуелно место каде луѓето ќе живеат, ќе се забавуваат и работат, има уште многу проблеми и предизвици.

Што се однесува до работата во виртуелната реалност, се чини дека, барем засега – најдобро е да се прескокне. Ваквиот заклучок се заснова на резултатите од истражувањето спроведено од тим од неколку универзитети (Кобург, Кембриџ, Приморска) во соработка со истражувачи на Мајкрософт. Тие го спроведоа најголемиот експеримент за виртуелна реалност до сега и затоа резултатите се разочарувачки и обесхрабрувачки.

Испитаниците поминаа работна недела од 40 часа во виртуелна реалност, користејќи Meta Quest 2, главниот VR уред на Meta и тастатурата и тракпадот на Logitech. Треба да се напомене дека денес веќе постојат некои уреди кои се подобри од Quest, но со ова истражување, научниците сакаа да создадат виртуелни работни услови какви што се достапни денес, а не оние кои се идеални.

Во виртуелното опкружување обемот на работа се зголемил за 35 отсто, вработените биле за 42 отсто пофрустрирани, 11 отсто имале проблеми со анксиозноста, а речиси 50 отсто од вработените имале зголемен напор во очите. Исто така, продуктивноста е намалена за 16 проценти, а благосостојбата за 20 проценти, а двајца учесници во студијата ја напуштиле студијата првиот ден бидејќи добиле мигрена, гадење и анксиозност поради работа во VR.

Иако некои од овие негативни фактори се намалија со текот на времето, односно подолготрајна работа во виртуелната реалност, вкупниот резултат покажува дека оценките за работата во таква метаверзна средина се „значително негативни“ за повеќето фактори.

НАЈНОВИ ВЕСТИ

ХОРОСКОП