„Apple“ откри детали за „iOS 16“ за време на својата конференција „WWDC“, вклучувајќи информации за тоа кои модели ќе добијат надградба, а кои не.
За преземање на новиот „iOS 16“, корисниците ќе треба да имаат „iPhone 8“ или понов модел, што значи дека „Apple“ ја откажува поддршката за „iPhone 6S“, „iPhone 7“ и првиот „iPhone SE“.
Моделите „iPhone 7“ и „SE“ се појавија во 2016-та година, а „iPhone 6S“ една година порано, што значи дека имаа шест или седум години софтверска поддршка. Тоа е всушност импресивно долг период, многу подолг од периодот во кој уредите со „Android“ добиваат софтверски надградби, иако „Samsung“ и „Google“ неодамна направија подобрувања во тој сегмент.
Нивните уреди од средна класа и водечките телефони сега имаат гарантирани безбедносни надградби до пет години.
Првата генерација на „iPhone SE“ неодамна доби наследник кој го содржи „одамна изгубено“ копче „home“.
