Тен Хаг го предупреди Роналдо: Нема да ја сменам визијата, ако некој пречи ќе си оди

Ерик Тен Хаг од следната сезона ќе биде менаџер на Манчестер јунајтед, според многумина, можеби најтешката тренерска работа во моментов поради состојбата во која се наоѓа славниот клуб и разочараноста на навивачите.

Се очекува на „Олд Трафорд“ да има „чистка“ со шест фудбалери чии договори завршуваат и со многу други потенцијални заминувања, но најмногу внимание секако претставува како порнешниот помошник на Пеп Гвардиола во Баерн Минхен и човек кој е познат по својата дисциплина и начин на работа ќе се справи со ѕвезда како Кристијано Роналдо.

Во интервју за холанскиот „Тоув“, Тен Хаг е сигурен дека нема да има никаков проблем по прашањето дали може да се справи со „сите Роналда на светот“.

„Мислам дека можам да се справам со сите ѕвезди и на крај да останам свој. Нема да го сменам начинот на кој работам. Фудбалерите кои ги имате секогаш одредуваа како играте, но јас ги поставувам побарувањата и стандардите. Јас кажувам што е нечија задача и тој што нема да ја исполни, без разлика за кого се работи, ќе биде информиран. Нема да правам отстапки за тоа“, вели Тен Хаг.