Екипата на Шалке 04 е блиску до еден прилично изненадувачки трансфер. Ѕвездата на Милан, Кевин Принс Боатенг може да се најде на „Велтинс Арена“ , а веројатноста за тоа се зголеми, откако „Билд“ објави дека Ганецот веќе е на лекарски прегледи во Гелзенкирхен .
Веднаш по завршувањето на минатогодишната сезона се шпекулираше дека Боатенг ќе си замине од клубот и експертите во Италија очекуваа тој да биде продаден уште во почетокот на ова лето.
Тогаш главен кандидат за неговиот потпис беше турскиот Галатасарај . Тоа сепак не се случи и Боатенг зеде активно учество во елиминацијата на ПСВ ( Ајндховен ), постигнувајќи два погодоци во реваншот од квалификациите за Лигата на шампионите на „Сан Сиро“ (3:0).
Така , евентуалниот негов трансфер во Шалке изгледа доста изненадувачки со оглед дека до крајот на овој прозорец остануваат само уште три дена.
