„Dyson“ е најпознат по своите правосмукалки, вентилатори и други слични уреди. Компанијата ги претстави своите први слушалки за поништување на шум, но не се оддалечува премногу од својата област на експертиза.
Овој производ, наречен „Dyson Zone“, има отстранлив додаток кој е намалена верзија на домашните прочистувачи на воздух на „Dyson“. Системот извлекува воздух од ушната школка на слушалките, го насочува низ двостепен прочистувач кој користи електростатско средство за привлекување честички од воздухот, а филтерот е мал и лесен.
„Визирот“ како што го нарекува „Dyson“ се приближува до вашето лице и уста, но всушност не ја допира вашата кожа. Работата на дизајнот на „Dyson Zone“ започна во 2016-та година, односно пред пандемијата, па затоа не беше дизајниран со маски на ум, туку компанијата нуди додатоци што може да се користат со маски „FFP2“.
Беа направени околу 500 прототипови на модели пред да се реши овој конечен дизајн.
„Dyson Zone“ може да се прилагоди за да ја испорача вистинската количина на воздух без разлика дали седите на маса или вежбате. Исто така, тој е дизајниран да го блокира ветрот, т.е. да не дува нечист воздух кон носот и устата.
Што се однесува до самите слушалки, тие имаат можност за поништување на шумот и користат неодимиумски магнети, но освен тоа не се знае многу за нивните аудио можности. Ќе обезбеди до 40 часа репродукција на музика и брзо полнење преку USB-C приклучокот (60% за 20 минути). Можете да го извадите визирот и да ги користите како стандардни слушалки.
Но, ако ги користите „Dyson Zone“ со прикачен визир според планираното, ќе ви требаат четири и пол часа при минимални поставки за чистење и час и половина максимум. „Dyson Zone“ сè уште не се подготвени за пазарот, но ќе биде објавен подоцна во оваа година, а за кога се очекува да бидат познати и цените.
