среда, 28 септември 2022
ПочетнаТЕХНОЛОГИЈАОбјавени се првите квалитетни рендери за „iPhone 14 Pro“

Објавени се првите квалитетни рендери за „iPhone 14 Pro“

Не престануваат да се појавуваат неофицијални информации поврзани со новата серија на телефони на „Apple“, „iPhone 14“, што не е чудно ако се земе предвид дека ова се едни од најпопуларните мобилни уреди во светот.

Пред извесно време се појавија првите наводи за димензиите на различни уреди во рамките на оваа линија на мобилни телефони. После тоа се појавија неофицијални наводи за дизајнот на предните камери на овие телефони, според кои се чини дека „Apple“ конечно ќе се откаже од својот поголем израз и ќе донесе помодерно решение, т.е. комбинација на „punch hole“ камера и „pill“ исечок.

Сепак, досега немаше достапни подетални фотографии кои адекватно го покажуваат потенцијалниот дизајн на новите мобилни уреди на „Apple“.

Холандската веб-страница „LetsGoDigital“ ги претстави првите детални рендери врз основа на достапните CAD дијаграми за новите мобилни уреди „iPhone 14 Pro“. Креатор на овие фотографии е Парвез Кан.

Според неговата интерпретација на моментално достапните информации, новиот модел на мобилен телефон на „Apple“ изгледа многу слично на серијата „iPhone 13 Pro“, со значителна разлика во дизајнот на предните камери. Системот на предната камера со поширока бленда треба да се состои од „Face ID“ сензор, додека селфи камерата треба да се наоѓа зад помала бленда, „punch hole“ отворот.

Одамна е познато дека новиот „iPhone 14 Pro“ ќе има екран со иста големина како и 6,1-инчниот „iPhone 13 Pro“. Затоа, најголем дел од разликите ќе бидат зад екранот, т.е. во хардверските спецификации на овој телефон.

Секако најголемата разлика помеѓу овие два мобилни уреди треба да биде користењето на целосно нов мобилен процесор – „A16 Bionic“, кој ќе биде резервиран за моделите „iPhone 14 Pro“ и „iPhone 14 Pro Max“. Од друга страна, „iPhone 14“ и „iPhone 14 Max“ ќе имаат постар, „A15 Bionic“ чип.

Информациите за новата серија мобилни уреди на „Apple“ се сѐ повеќе и повеќе, па останува да видиме што од сето ова ќе биде вистина и каков ќе биде дизајнот на овие телефони. Се очекува и поголем модул за камера поради подобрените сензори и тоа е тоа засега.

НАЈНОВИ ВЕСТИ

ХОРОСКОП