Присуството на Министерот за правда Никола Тупанчевски, обвинителката Фатиме Фетаи, судијата Лазар Нанев, градоначалникот на Струга Рамиз Мерко, поранешниот градоначалник на Охрид Никола Бакрачески и поранешниот премиер Владо Бучковски на фудбалскиот натпревар во Палермо меѓу Македонија и Италија ја покрена Државната комисија за борба против корупцијата да побара да објаснат како се најдоа на трибините на стадионот и кој им го платил тоа.
Лицата кои треба да се борат против криминалот и корупцијата летале гратис, односно на трошок на Фудбалската федерација.
По информацијата, јавноста почна да си фаќа сеир со членовите од редовите на судството нарекувајќи ги – навивачка група „Гратиси“.
