Се појавија информации, кои укажуваат на тоа кога „Apple“ би можел да имплементира „Face ID“ систем во екранот.
Во моментов, моделите на „Apple“ користат дисплеј „edge-to-edge“, освен горниот среден дел на екранот каде што има исечок со предната камера и системот за камера „TrueDepth“ што се користи за „Face ID“.
Тоа би можело да се промени со објавувањето на моделот „iPhone 15“. Оваа серија на телефони се очекува во текот на 2023-та година, а сајтот „The Elec“ открива дека „Apple“ конечно би можел да го претстави „Face ID“ системот на екранот на моделот „iPhone 15“.
Ова значи дека „iPhone 15“ конечно би можел да има приказ на цел екран, без никакви исечоци, што би требало да овозможи многу подобар дизајн и корисничко искуство.
