„Sony“ го претстави дизајнот на својот нов „PlayStation VR2“, кој го краси сферичната форма и одговара на естетиката на конзолата „PlayStation 5“ на компанијата.
Системот „PlayStation VR2“ вклучува нов шлем, нови „VR“ контролери, а „VR“ екосистемот на „Sony“ го носи на следното ниво кога станува збор за подобра прецизност, поквалитетни екрани, подобри повратни информации од корисниците и нови функции како следење на очите.
Заедно со „PSVR2“, „Sony“ ќе користи 4K HDR OLED екран, за да испорача резолуција од 2000 x 2040 пиксели по око, со стапка на освежување од 90 Hz или 120 Hz.
Дополнително, „VR“ уредот ќе им обезбеди на корисниците видно поле од 110 степени, што е зголемување во однос на оригиналниот модел „PSVR“ кој имаше видно поле од 96 степени. Уредот користи „USB Type-C“ за поврзување со конзолата.
„Sony“ не го објави датумот за лансирање на „PlayStation VR2“, но неговото објавување не се очекува пред крајот на 2022-ра година, а можеби дури и во текот на 2023-та година.
