Модниот бренд „Ralph Lauren“ ја зголеми својата годишна прогноза и објави поголем од очекуваниот раст на приходите од 27% за празничниот квартал, откако ја искористи зголемената побарувачка за врвни јакни, кошули и фустани во САД и Европа.
Цената на акцијата на дизајнерот од Њујорк расте за повеќе од 6% во по објавувањето на прогнозата, а компанијата, исто така, објави нова програма за откуп на акции од 1,5 милијарди долари.
Приходите на „Ralph Lauren“, кои ги надминаа очекувањата на пазарот, продолжуваат со серијата силни перформанси на меѓународните луксузни групи, вклучително и сопственикот на „Versace“ – „Capri Holdings“, „LVMH“ и „Prada“, додека потрошувачите кои излегуваат од блокадата се свртуваат кон луксузната мода.
Нето приходот на „Ralph Lauren“ се зголеми на 1,82 милијарди долари во третиот квартал, кој заврши на 25-ти декември. Просечната прогноза на аналитичарите беше 1,64 милијарди долари, според „Refintiv“.
Приходите скокнаа за 30 отсто во Северна Америка и 47 отсто во Европа. Оние во Азија се зголемени за само 16% поради затворањето на продавниците поврзани со пандемијата и блокадите во Кина.
Со исклучок на некои ставки, „Ralph Lauren“ објави заработка од 2,94 долари по акција, над прогнозата од 2,17 долари.
Компанијата вели дека очекува постојаните приходи од валута за фискалната 2022-ра година да пораснат за 39-41%. Претходната прогноза беше за раст од 34-36%.
„Ralph Lauren“ очекува нето приходот во четвртиот квартал да се зголеми за 17 проценти до 18 проценти во фиксни валути.
