Гуруто на Новак Ѓоковиќ се најде во центарот на вниманието на јавноста кога на најдобриот тенисер на светот му беше најтешко. Кој е човекот од сенка?
Тренерите Марјан Вајда и Горан Иванишевиќ, физиотерапевтот Улисес Бадио, агентите Едоардо Арталди и Елена Капеларо… Новак Ѓоковиќ отсекогаш бил опкружен со врвни експерти кои во голема мера се одговорни за неговата позиција на тенискиот покрив на светот.
Сепак, далеку поголем јавен интерес предизвикуваат „соработниците“ од сенка. Еден од нив е реики-мастер Жарко Илиќ.
Духовниот учител го подучи Новак на јапонската техника на лекување. Жарко е доктор, докторант по медицински науки, со значително искуство во истражување на човечката психа. Пред се, тој е трагач по одговори и лекот за болести на модерното време, а со години соработува со познатиот тенисер, неговата сопруга која ги запознала и помалиот брат Марко.
Што, точно, е реики? Тоа е метод на духовен развој кој го елиминира стресот, опушта и лекува. Се заснова на верувањето дека животната енергија тече низ телото. Лицата кои практикуваат реики ја користат техниката полагање раце на телото или над телото. Ова наводно ги чисти и зајакнува енергетските канали. Освен што ја ублажува болката и физичките ефекти, терапијата обезбедува смиреност на долг рок, влијае на правилните одлуки и самодовербата и има антидепресивни својства.
Гуруто на Новак Ѓоковиќ му помагаше кога беше најтешко
Пред неколку години, по меч во кој не личеше на себе, Новак заедно со Жарко замина на Големиот Кањон во Невада. Во таа прилика тој истакна дека стрмните карпи на националниот парк едноставно струјат со енергија од сите страни.
„Големиот кањон е едно од најмоќните места во светот. Тој мир и поврзаност со природата се неверојатни“, им рече тој на американските новинари.
