Бундеслигашот Штутгарт го отпушти тренерот Бруно Лабадија, ден по третиот пораз од стартот на оваа сезона.
На „швабите“ никако да им тргне оваа сезона, а во првите три кола од германското првенство не освоија ниту еден бод и моментално се наоѓаат на последното место на табелата.
„Раководството на Штутгарт од обврски го ослободи тренерот Бруно Лабадија, како и неговиот помошник Ердинк Созер“, стои во соопштението на клубот.
Лабадија дојде во 2010-та година, а неговиот сега веќе поранешен тим на стартот од оваа сезона загуби во пресметките со Мајнц, Баер и Аугсбург.