Скандалозен однос на австралиските власти кон најдобриот тенисер во светот
Новак Ѓоковиќ не добил дозвола за влез во Мелбурн, бидејќи властите на Викторија му одбиле виза со наводно лоша документација.
По неколкучасовен распит во просториите на Одделот за имиграција, каде од Новак било побарано да обезбеди документација и докази врз основа на кои добил медицинско ослободување, Новак Ѓоковиќ бил испратен во притвор, каде што се наоѓа во моментов, дознава „Телеграф“.
Според информациите од „Телеграф“, најдобриот тенисер на светот се третира како криминалец и има скандалозен третман.
Тој е задржан во една просторија во притвор, го обезбедуваат двајца полицајци, забранет му е мобилниот телефон и контактот со кој било од неговиот тим.
Останува да се види како ќе заврши ситуацијата и дали Ѓоковиќ ќе биде вратен со авион, како што најави австралискиот премиер пред неговото пристигнување или ќе му биде дозволен влез во земјата.
Новак слета во Мелбурн околу 23:30 часот по локално време. Царината наводно нашла проблем во визната документација, а по нивното барање државата Викторија да го одобри неговото барање, тие го одбиле барањето, па Новак неколку часа поминал на испрашување, а на крајот во притвор.
