Екипата на Арсенал одлучи да доведе напаѓач од светска класа, а како таков менаџерот Арсен Венгер го гледа сонародникот Карим Бензема.
Како што јавуваат медиумите од Островот, „топџиите“ се подготвени да платат 40 милиони фунти, колку што изнесува обештетувањето за 26 годишниот напаѓач на Реал Мадрид.
Приоритет на Венгер за ова лето е доведување на врвен центарфор, а по „следењето“ на францускиот репрезентативец веќе неколку години, понудата на лондонскиот клуб би можела да ги задоволи апетитите на „кралскиот клуб“, кои би можеле парите да ги потрошат за доведување на Герет Бејл од Тотенхем.
Менаџерот на Арсенал го посакуваше Бензема уште кога тој настапуваше во дресот на Лион, а по неуспешните обиди за доведува не на Игуаин и Суарез, сонародникот на Венгер се одвои како идеално решение во офанзивната линија на тимот.
