Гласините за овој уред се појавуваат со години, а во текот на 2022 година конечно би можел да се појави.
Инсајдерски извори блиски до Google тврдат дека компанијата планира да објави свој паметен часовник во 2022 година.
Часовникот го има кодното име „Rohan“, би ја користел платформата Wear OS, а би требало да има исклучително атрактивен дизајн – тркалезен дисплеј, но без физички рамки.
Кога станува збор за перформансите, Рохан треба да ја има вообичаената поддршка за мерење на отчукувањата на срцето и батерија која ќе бара полнење на дневна основа.
Репортерот, за сајтот The Verge, истакна дека паметниот часовник на Google треба да чини повеќе од Fitbit и ќе служи како конкуренција за Apple Watch.
Во однос на софтверот, Рохан би послужил како средство за промовирање на платформата за паметни телефони на Google – Wear OS 3.
Паметниот часовник, кој би можел официјално да се нарече Pixel Watch, би служел да им покаже на корисниците што нуди Wear OS.
Засега Google не ги коментираше наводите и информациите дека подготвува сопствен паметен часовник и покрај тоа што медиумите и корисниците со нетрпение чекаат да видат што компанијата има да понуди на пазарот на часовници.
