понеделник, 8 август 2022
ПочетнаКОМПАНИИ„Siemens“ започна таен процес за продажба на една од своите единици

„Siemens“ започна таен процес за продажба на една од своите единици

Најголемата европска инженерска компанија, „Siemens“, почна да ја продава својата поштенска логистичка единица, според извори на „Bloomberg“ запознаени со ова прашање.

Базираната компанија во Минхен испрати прелиминарни информации до потенцијалните купувачи, барајќи од нив да не бидат идентификувани кога разговараат за доверливи прашања. Компанијата работи со „Goldman Sachs Group“ за да го процени интересот за единицата, која произведува опрема за сортирање писма и пратки, додаваат изворите.

Цената на акцијата на „Siemens“ порасна за 26% во оваа година, со што пазарната капитализација на компанијата достигна 126 милијарди евра.

Претставниците на „Siemens“ и „Goldman Sachs“ одбија да коментираат.

Германскиот гигант сака да ја направи продажбата во време кога компаниите ги зголемуваат своите логистички трошоци за да се справат со ненадејниот пораст на онлајн купувањето за време на пандемијата. Во 2014-та година, беше блиску до продажба на бизнисот на конзорциум предводен од американскиот инвеститор Вилбур Рос, објави „Bloomberg News“. „Siemens“ подоцна се откажа од планот и решија сами да се погрижат за единицата и да се соочат со проблемите.

Компанијата се разделува со своите несуштински бизниси за да го олеснат управувањето. Минатата година, „Siemens“ ја продаде својата единица „Flender“ и ја стави на листата „Siemens Energy“, чија технологија стои зад приближно една шестина од електричната енергија во светот.

Како и „Flender“, „Siemens Logistics“ е наведена меѓу портфолиото на компании кои во суштина се единици кои работат независно. На овој начин тие се сметаат за главни кандидати за продажба.

НАЈНОВИ ВЕСТИ

ХОРОСКОП