Францускиот производител на алкохолни пијалоци „Pernod Ricard“ изјави дека очекува растот на продажбата да продолжи до фискалната 2022-ра година, иако може малку да забави. Силната побарувачка во Кина, САД и Индија и помогна на компанијата да го надмине својот раст од 20% во првиот квартал.
Пернод, вториот по големина производител на алкохол во светот по „Diageo“, рече дека потрошувачката на луѓето кои останале дома поради пандемијата останува одржлива, а отворањето на барови и ресторани, исто така, понуди одредена поддршка. Патувањето сè уште не е силно, но компанијата сепак го освои кварталот поради слабиот репер.
Фискалната година на „Pernod Ricard“ започна на 1-ви јули.
„Очекуваме добриот раст на продажбата да продолжи до крајот на фискалната 2022-ра година, иако тој благо ќе забави во споредба со првиот квартал. Ќе продолжиме да ја имплементираме нашата стратегија, особено со забрзување на нашата дигитална трансформација и реинвестирање, за да ги искористиме сегашните и идните можности за раст“, рече претседателот и извршен директор Александар Рикард.
Во фискалната 2022-ра година, „Pernod Ricard“ ќе инвестира многу во рекламирање и промоции и структурни трошоци и ќе спроведе половина од веќе најавената програма за откуп на акции од 500 милиони евра во првата половина.
За првиот квартал, кој заврши на 30-ри септември, „Pernod Ricard“, кој ги поседува коњакот „Martell“, шампањот „Mumm“ и вотката „Absolut“, објави продажба од 2,718 милијарди евра со годишна стапка на раст од 20%. Пазарот очекуваше раст од 15,7%.
Силниот почеток на годината се одрази со скок од 9 отсто во продажбата во САД – најголемиот пазар на „Pernod Ricard“, со добро полнење пред празничната сезона и продолжување на побарувачката за вискиот „Jameson“ по повторното отворање на баровите и рестораните.
Во Кина, продажбата се зголеми за 22% како резултат на побарувачката за време на националниот есенски фестивал и повисоките цени на коњакот „Martell“. Кина учествува со околу 9% во продажбата на „Pernod“ и е втор најголем пазар. Глобалната продажба на патувања се зголеми за 55% на годишно ниво, враќајќи се на растот во сите региони и искористувајќи ја многу поволната база за споредба.
