За здрава кожа, коса и виталност, неопходно е да се внесат доволно витамини и минерали, кои најмногу се наоѓаат во овошјето и зеленчукот.
Морковот дефинитивно е зеленчук кој не се консумира во доволни количини доколку се земе предвид дека е многу здрав.
Го подобрува видот
Најважниот ефект што морковот го има врз нашето здравје е тоа што има позитивен ефект врз видот. Овој зеленчук е богат со витамин А, кој има директен ефект врз нашиот вид. Покрај тоа, бета каротенот во морковот штити од макуларна дегенерација, глауком и катаракта.
Против висок притисок
Морковот особено се препорачува за луѓе кои имаат висок крвен притисок и страдаат од срцеви заболувања. Тие содржат бета-каротeн, алфа-каротeн и лутеин, антиоксиданси кои го регулираат нивото на холестерол и го намалуваат ризикот од срцеви заболувања.
Одлични се за оралното здравје
Морковите се одлични за оралното здравје. Додека грицкате од овој крцкав зеленчук, го отстранувате вишокот храна од забите и ги негувате непцата. Покрај тоа, морковот го стимулира лачењето на плунка, што го враќа нивото на киселост во рамнотежата и го спречува појавувањето на кариес. Овој зеленчук е исто така богат со витамин Ц, кој има позитивен ефект врз здравјето на забите и непцата.
Детоксикација на црниот дроб
Овој вкусен зеленчук може да го заштити црниот дроб од токсини. Високото ниво на витамин А во морковот игра важна улога во исфрлањето на токсините од телото. Покрај тоа, морковот ги намалува масните наслаги во црниот дроб, додека влакната помагаат да се исчисти црниот дроб. Редовното консумирање го намалува ризикот од хепатитис, цироза и холестаза.
