Се чини дека пазарот за паметни часовници нема да престане да расте во блиска иднина. „Strategy Analytics“ проценува дека испораката на паметни часовници се зголеми за неверојатни 47 проценти во споредба со претходната година, во текот на вториот квартал од 2021-ва година, со 18,1 милиони уреди што може да се носат. Побарувачката (барем во малопродажба) се врати на нивоата пред пандемијата, според аналитичката компанија.
„Strategy Analytics“ го припишува овој скок на постојаната побарувачка за лични здравствени уреди. Не е целосно познато до кој степен закрепнувањето од пандемијата ја стимулира побарувачката, иако не би било изненадувачки доколку дополнителни упатства за дозволување излегувања и собири би ја поттикнале продажбата на паметни часовници.
Не само големите компании имаат корист од зголемувањето. „Apple“ имаше 52% удел на пазарот и најпродаван поединечен паметен часовник (Apple Watch Series 6), а испораките на „Samsung“ скокнаа за 54 проценти. Рачните часовници „Garmin“, фокусирани на фитнес, исто така забележаа скок (25%), додека другите (вклучувајќи го и „Fossil“ и другите корисници на платформата „Wear OS“) пораснаа за 55%. Генерално, пазарните резултати се исклучително добри, дури и за помалите брендови.
Постојат индикации дека овој тренд на раст ќе продолжи. Серијата „Apple Watch 7“ може да се појави за неколку недели, а „Samsung Galaxy Watch 4“ со „Wear OS“ може да ја зголеми продажбата на паметни часовници со „Android“. Според аналитичарите, евтините паметни часовници „LTE“ од кинеските брендови како што се „Oppo“ и „Xiaomi“, исто така, би можеле да помогнат во растот на пазарот.
