„Instagram“ ќе почне да бара од корисниците да ги потврдат своите родендени како дел од напорите на компанијата да создаде нови безбедносни карактеристики насочени кон младите луѓе, објави апликацијата, која е во сопственост на „Facebook“.
„Instagram“ ја истражува можноста за изградба на верзија на услугата за деца под 13-годишна возраст, што ги натера властите да го повикаат „Facebook“ да се откаже од своите планови и рече дека компанијата има „јасна историја на неуспеси да ги заштити децата на своите платформи“.
Во објавата на блогот, од „Instagram“ велат дека ќе ги искористат информациите за „да се осигураат дека го обезбедуваат вистинското искуство на вистинската возрасна група“.
Минатиот месец, компанијата соопшти дека корисниците под 16-годишна возраст кои се приклучуваат на платформата ќе добијат профили што стандардно ќе бидат скриени.
Апликацијата тврди дека ќе бара од секој корисник да го означи својот роденден кога ќе го отвори „Instagram“, а потоа ќе прикаже неколку известувања доколку корисникот не внесе ништо. Во исто време, корисниците ќе треба да го внесат својот датум на раѓање за да продолжат да ја користат апликацијата, според „Instagram“.
Промените ќе влијаат само на луѓе кои не го додале својот датум на раѓање во апликацијата.
„Instagram“ додава дека е свесен дека некои корисници може да дадат неточни податоци и тврди дека развива нова технологија за решавање на овој проблем.
