Руското Министерство за одбрана ги одобри техничките спецификации за дизајнот на прецизниот беспилотен вооружен систем ЗАЛА Лансет, а првото тестирање на овие дронови треба да започне кон крајот на оваа година. Производителот, групацијата Калашников, ја објави одлуката на руското Министерство за одбрана на 25 август за време на меѓународниот воен форум „Army-2021“ кој се одржа во Кубинки во близина на Москва.
Дронот Лансет припаѓа на категоријата таканаречена извиднички воздушен стрелец, во смисла дека останува над целната област додека бара одредена цел. Кога таа цел е пронајдена, тој „дрон камиказа“ преминува во фаза на напад како лансирана ракета воздух-земја. Се разбира, при ударот, тој не се уништува само себе, туку и својата цел.
Овој нов дрон е дизајниран од компанијата ЗАЛА Аеро, која припаѓа на една од компаниите на Калашников групацијата, а името Лансет го доби не поради неговиот изглед, туку поради неговата исклучителна прецизност. Неговиот домет е 40 километри и може да ја погоди целта со хируршка прецизност, или барем така тврди производителот.
Калашников го претстави Лансет на јавноста во јуни 2019 година, и во тоа време руската државна корпорација Ростек, ги истакна предностите од развојот на таков систем на оружје.
Првата предност што ја споменаа е дека извидничкиот воздушен стрелец заштедува време, бидејќи веќе во воздух и е подготвена за акција, односно е подготвен да нападне непријателска цел.
Друга предност е што се работи за лесен и мал систем направен од пластика и композитни материјали, поради што е невидлив за традиционалните одбранбени радарски системи.
Трето, Ростек рече дека е поевтино да се погоди целта со беспилотното летало отколку да се уништи со проектил со висока прецизност, кој мора да има самооден топ со екипажот зад него.
Лансетот доаѓа во неколку варијанти, а неговата максимална брзина е помеѓу 80 и 110 километри на час. Има носивост до три килограми, а максималната тежина на полетување е пет килограми за Лансет-1 и 12 килограми за верзијата Лансет-3.
Обликот на неговите крилја (двојно Х) придонесува за високо маневрирање во воздухот и стабилност при движење кон целта.
Покрај тоа, Лансет е паметен дрон, способен за повеќенаменски задачи и автономно наоѓање цели. Овој дрон има компонента за прецизни удари, како и за разузнавање, навигација и комуникација.
Според производителот, дронот „создава сопствено навигациско поле“ и нема потреба од копнена, морска или сателитска инфраструктура. Исто така, пренесува видео сигнал за да може визуелно да се потврди дадената цел.
Беспилотното летало веќе го доби прекарот „летечки калашников“ или „летечки АК-47“ поради фактот што се работи за едноставен, употреблив и сигурен систем.
Руското воено искуство стекнато во Сирија помогна да се комплетира прототипот на беспилотните летала Лансет, но правото тестирање започнува на крајот на оваа година.
