Повеќе извори од Франција, Шпанија и Јужна Америка, тврдат дека Лионел Меси веќе ги договорил личните услови со Пари Сен-Жермен и дека се чека само формална потврда на договорот, а во исто време доаѓа веста дека и за на 10 август, ПСЖ ја „закажале“ Ајфеловата кула, нешто што последен пат го направија на промоцијата на Нејмар.
По вчерашната „бомба“ со најавата дека Барселона не е способна да му даде нов договор дури и со 50 отсто намалување на платата, се јавија неколку јасни кандидати како негов следен клуб, во прв план Пари Сен-Жермен и Манчестер сити, иако денеска „АС“ тврдеше дека и Челси влегуваат во трката.
Се верува дека преговорите ќе можат да завршат во следните 24 часа, нешто што го јавува „ТНТ Спорт“ од Аргентина и францускиот експерт за трансфери, Сабер Дефарж. Меси би заработувал по 30 милиони евра по сезона плус бонуси, нешто што малку клубови можат да си го приуштат.
