Минатата година „Apple“ ја претстави својата прва линија телефони со поддршка за 5G и овој тренд се очекува да продолжи и со годинашните модели. „Nikkei Asia“ сега посочува дека „iPhone“ линијата на компанијата за следната година ќе се состои целосно од 5G модели.
Тоа вклучува и редизајниран „iPhone SE“, со чипсет A15 и 5G врска. Се предлага телефонот да го задржи „LCD“ панелот од 4,7 инчи и ќе има куќиште во стилот на „iPhone 8“, а се очекува да биде претставен во текот на првата половина на 2022-ра година.
Исто така, „Apple“ се очекува да престане да го нуди „iPhone mini“ до 2022-ра година, кој имаше разочарувачка продажба во текот на претходната година. Овој модел на „iPhone“ сè уште се очекува во оваа година.
„Nikkei“ исто така очекува оваа година „Apple“ да претстави подостапен 6,7-инчен модел на „iPhone Pro“. Новите „MacBook Pro“ и „AirPods“ исто така се очекува да бидат објавени во втората половина на годината.
