Кинеската вселенска агенција објави „селфи“ од роверот на Марс, со платформата за слетување во позадина на која е прикажано кинеското знаме, пренесоа агенциите.
Роверот Журонг, именуван по кинескиот Бог на огнот, ги сликал и трагите кои ги оставил на црвената планета, а кинеската вселенска агенција организирала церемонија по повод објавувањето на фотографиите.
Роверот слета на Марс во средината на мај. Роботот треба да собира податоци од планетата 90 дена.
Ова е прва кинеска мисија на Марс.
Кина е втора земја што слета ровер на Марс, по САД.
