Научниците го потврдија откритието на нов вид диносаурус во Австралија, еден од најголемите пронајден во светот, повеќе од една деценија откако сточарите првпат ги открија коските на животното.
Сауроподот кој јадел растенија, живеел во периодот на кредата, пред 92 и 96 милиони години, кога Австралија била поврзана со Антарктикот, според истражувањето објавено во понеделникот.
Палеонтолозите проценија дека диносаурусот достигнал висина од 5-6,5 метри од страната и 25-30 метри во должина, што значи дека тој бил долг колку кошаркарско игралиште и бил висок како двоспратна зграда.
Ова го прави новиот вид најголем диносаурус некогаш пронајден во Австралија и го рангира меѓу петте најголеми во светот, приклучувајќи се на елитната група на титаносауруси откриени само во Јужна Америка.
Ваквите откритија се само врв на ледениот брег, изјави кураторот на музејот во Квинсленд и палеонтолог Скот Хокнал.
Експертите од природонаучниот музеј Ероманга и музејот Квинсленд за прв пат користеа нова дигитална технологија за тродимензионално скенирање на секоја коска за споредба.
“За да се осигураме дека Австралотитан е различен вид, моравме да ги споредиме неговите коски со коските на другите видови од Квинсленд и светот, рече Хокнал. Ова беше многу долга и макотрпна задача”, додаде тој.
Палеонтолозите го нарекоа сауроподот „Австралотитан Кооперенсис“, комбинирајќи го „јужниот титан“ со името на поток во близина на местото каде што беа пронајдени првите коски на животните во 2006 година на фарма за говеда во Ероманга, Квинсленд.
Хокнал рече дека може да се очекува откривање на уште поголеми примероци на диносауруси, со оглед на тоа што сауроподите кои јадат растенија генерално биле плен на огромни тероподи.
Најдовме неколку мали диносауруси на тероподи во Австралија … но тоа не би го вознемирило Австралотитанот, сугерирајќи дека некаде има остатоци од многу голем предаторски диносаурус. Само што сè уште не сме го пронашле, рече тој.
