Важи за едно од најздравите масла, и обично сме подготвени за него да издвоиме доста пари. Меѓутоа, дури ниту високата цена не мора да значи дека во кујната чувате квалитетно маслиново масло.
Екстра девственото маслиново масло поради антиоксидансите и добрите масти е едно од најздравите намирници, но тоа важи доколку е апсолутно чисто, а како што вели истражувањето на американскиот Центар за маслиново масло Дејвис, околу 69 проценти од увезеното маслиново масло е помешано со поевтини варијанти.
Екстра девственото маслиново масло се добива со цедење на најквалитетните свежи маслинки, и неговата киселост не смее да надминува 0,5 проценти.
Доколку сакате да го проверите квалитетот на купеното маслиново масло, можете да направите еден тест. Мала количина од маслото ставете во замрзнувач. Ако маслото стане матно и густо, а потоа на потопла температува се врати во течна состојба тоа е знак дека имате квалитетно масло.
