Три фудбалски средби од шпанската Примера се под истрага поради сомневањето за местење на резултатот.
„Неможеме да кажеме за кои натпревари станува збор се со цел да не се загрози истрагата“, истакнаа од шпанската фудбалска федерација.
Како што наведуваат медиумите од Пиринејскиот полуостров неофицијално станува збор за натпреварите, Леванте – Депортиво, Сарагоса – Атлетик Билбао и Леванте – Селта.
Според информациите под истрага се и шест дуели од шпанската втора лига.
Се споменуваат натпреварите меѓу Херкулес – Сабадел, Хуеска – Сабадел, Расинг – Гирона, Гирона – Херез, Расинг – Херкулес и Кордоба – Херез.
