Марија Шарапова е најдобро платена спортистка во светот во рангирањето на списанието „Форбс“. Руската тенисерка е лидер по приходи веќе деветта година по ред, а во периодот од јуни 2012-та до јуни 2013-та таа заработила 29 милиони долари. Износот вклучува пари од наградните фондови, реклами, приходите за учества на трунири и приходи од сопствен бизнис како бонбоните „Sugarpova“, од кои веќе се продадени речиси 1,5 милиони примероци.
Во Топ 10 на најпознатите платени спортистки седум се тенисерки, а втората позиција ја зазема Серена Вилијамс со приходи од 20,5 милиони долари. Од нив 8,5 се од наградни фондови и уште 12 од спонзорските договори со компании како „Nike“, „Wilson“, „Gatorade“ и „OPI“.
На третата позиција меѓу платените спортистки е Кинескињата, На Ли со 18,2 милиони евра, од кои само 3,2 се од наградни фондови, а останатите 15 од рекламни договори.
Топ 10 на најплатените спортистки за последната година:
1. Марија Шарапова (тенис) – 29 милиони долари
2. Серена Вилијамс (тенис) – 20,5 милиони
3. На Ли (тенис) – 18,2 милиони
4. Викторија Азаренка (тенис) – 15,7 милиони
5. Даница Патрик (автомобилизам) – 15 милиони
6. Ким Ју На (уметничко лизгање) – 14 милиони
7. Каролин Вознијачки (тенис) – 13,6 милиони
8. Агнешка Радванска (тенис) – 7,4 милиони
9. Ана Ивановиќ (тенис) – 7 милиони
10. Пола Кримајер (голф) – 5,5 милиони