Производителот на паметни телевизори „Vizio Holding“, поддржан од единици на тајванската „Foxconn Technology Group“, забележа пад од 9% на берзата по слабата почетна јавна понуда, пишува „Bloomberg“.
Акциите на „Vizio“ започнаа со тргување со 17,50 долари откако при ИПО-то се продаваа за 21 долари. Компанијата и некои инвеститори во средата продадоа 12,25 милиони акции за да соберат 257 милиони долари.
Акциите го завршија тргувањето во Њујорк по цена од 19,10 американски долари, со што на компанијата и дадоа пазарна капитализација од 3,5 милијарди долари.
„Тука сме да им обезбедиме долгорочна вредност на акционерите. Денешниот пазар е нестабилен. Пазарот е таков каков што е“, рече основачот и извршен директор Вилијам Ванг во едно интервју.
„Vizio“ аплицираше за почетна јавна понуда во 2015-та година, но следната година се откажа од својот план, склучи договор за продажба на компанијата за 2 милијарди долари. Конечно, во 2017-та година, „Vizio“ одлучи да го откаже договорот со една од подружниците на кинеската „Leshi Internet & Technology“.
Компанијата со седиште во Калифорнија соопшти дека продала 7,1 милиони паметни телевизори во 2020-та година, што е за 20% повеќе од претходната година. Неговите уреди се продаваат преку Интернет, вклучително и на „Amazon.com“ и во физички продавници како што се „Walmart“, „Tagret“, „Best Buy“ и „Costco“.
Иако овие продажби носат најголем дел од приходите на „Vizio“, нејзината забавна платформа рапидно расте. „Platform+“ е вклучена во оперативниот систем „SmartCast“.
Минатата година компанијата оствари нето добивка од 102 милиони долари со повеќе од 2 милијарди приходи, во споредба со профитот од 23 милиони и приходот од 1,8 милијарди долари во 2019-та година, според документите поднесени до регулаторите. Само 147 милиони долари приходи за 2020-та година се од платформата за забава, а остатокот од продажбата на уреди, соопшти компанијата.
Ванг вели дека очекува промените во животниот стил во текот на изминатата година да продолжат откако пандемијата ќе се повлече и Американците ќе останат фокусирани на домашната забава, вклучувајќи платформи за стриминг како таа на „Vizio“.
