Проблемот не е поврзан со одредена марка или телефон, ниту со специфични апликации за Android, а Google само што објави корегирана верзија на апликацијата што го предизвикала проблемот.
Голем број корисници на Андроид паметни уреди пријавија, во последните 24 часа, ненадејни падови на апликации.
Проблемот е забележан кај телефони од повеќе производители, вклучувајќи неколку модели на Samsung, како и кај моделите Pixel, Motorola, OnePlus и Xiaomi.
Сепак, проблемот не е поврзан со одредена марка или модел на телефон, ниту со одредени апликации, односно не зависи од нивната функција или развивач, но системот паѓа без предупредување, пишува Android Police.
Некои корисници веќе објавија дека успеале да го решат проблемот на едноставен начин – со деинсталирање на алатката Android System Webview, што им овозможува на апликациите да ги прикажуваат веб-страниците на Chrome без да ја напуштат апликацијата.
Во меѓувреме, Google објави корегирана верзија на апликацијата Android System WebView, па затоа за да го решите проблемот доволно е да ја ажурирате од Google Play Store на ОВОЈ ЛИНК.
Треба да го отворите главното мени за поставки на Android, потоа притиснете Апликации и известувања (или само „Апликации“ на некои телефони). Потоа, пронајдете го Прегледот на Андроид систем во списокот и кликнете на таа опција (нема потреба да ја оневозможувате апликацијата). После тоа, треба да кликнете на трите точки во горниот десен агол на екранот и да изберете Деинсталирај ги ажурирањата.
Ова нема целосно да го избрише веб-прегледот на системот Андроид, бидејќи е суштинска компонента, така што голем број апликации ќе престанат да работат без него, пренесува Benchmark.
Наместо тоа, тој ќе ги отстрани ажурирањата инсталирани преку Play Store и ќе ги врати во верзијата што е придружена со телефонот. Откако ќе се појави предупредувачката порака, потребно е да притиснете „OK“.
И ако дури и по инсталирањето на ова ажурирање, апликациите продолжуваат да паѓаат, ресетирајте го телефонот.
