Македонската ракометна репрезентација забележа катастрофален пораз во Алборг, од Данска 21:37 (11:17). По четири кола во квалификациската група 7, за пласман на Европското првенство Данска и Македонија имаат по три победи и еден пораз и се наоѓаат на првите две места.
Подмладената македонската репрезентација, без Лазаров, Миркуловски и Стоилов, немаше никакви шанси во дуелот со светскиот првак, кого го победија пред три дена во Скопје.
Македонските ракометари, во Амлорг, беа рамноправни само во првите 15 минути. Во тој период Данска најчесто имаше предност од еден гол. Кога Данците создадоа разлика од пет гола, Мелер на голот го замени Ланди и на крајот тој беше играч на натпреварот.
Голманот на Барселона ја „спушти ролетната“, беше нерешлива енигма за македонските репрезентативци и на крајот имаше дури 16 одбрани.
Данците првиот дел го добија со седум гола разлика (17:11), во вториот дел во 34.минута дојдоа до двоцифрена разлика, за на крајот да победата со максималната разлика која ја имаа во текот на мечот.
На овој меч Македонија ја предводеше Кузмановски со пет гола, два помалку постигна Велковски. Кај Данците покрај голманот Мелер се истакнаа Гитсел со седум и Тофт Хансен со пет гола.
