„Instagram Lite“ за „Android“ официјално пристигнува во 170 земји

„Instagram“ ја објави глобалната достапност на верзијата „Lite“ на својата популарна апликација. „Instagram Lite“ е намалена верзија на популарната услуга и овозможува пофлуидно искуство при користење на платформата на било кој уред и со каква било интернет конекција. Оваа објава е наменета за земјите во развој.

Програмерите на „Instagram“ истакнаа дека апликацијата е создадена со цел да обезбеди пристап до услугата во земји кои имаат ограничен или слаб пристап до Интернет, како и за уреди со основни/буџетски спецификации. „Instagram“ минатата година ја прекина претходната верзија на својата „lite“ апликација, а компанијата тогаш истакна дека работи на нова верзија.

„Instagram Lite“ зафаќа само 2 MB простор, а „Instagram“ го постигна тоа со користење на сопствени сервери за обработка на барања наместо да го прави тоа на телефонот. Ова се постигнува со значително намалување на „API“, отстранувањето на анимации и транзиции. Се разбира, овој потег предизвика недостаток на некои функции, па „Instagram Lite“ не поддржува видео на „IGTV“. Корисниците имаат пристап до функциите „Reels“ и „stories“, како и испраќање пораки и пребарувања.

Компанијата потврди дека развива темна тема за „Instagram Lite“ и треба да стане достапна во следните неколку недели.