„McAfee Corp“ објави дека ќе го продаде својот корпоративен бизнис на конзорциум предводен од „Symphony Technology Group“. Договорот е вреден 4 милијарди долари во готовина, пренесува „Reuters“.
Веста ја зголеми цената на акциите на компанијата за интернет-безбедност за скоро 3% пред почетокот на трговијата во САД.
Договорот, кој е предмет на одобрување од регулаторите и може да се случи доколку од нивна страна се наметнат посебни услови, се очекува да биде финализиран до крајот на оваа година, објави „McAfee“.
Во текот на изминатите неколку години, „McAfee“ ја зајакна својата основна деловна активност со софтвер за сајбер безбедност, кој се фокусира на купувачи на мало. Ова се случи преку зголемување на цените, нови придружни програми и добро ниво на задржување на клиентите.
Неговиот бизнис за корпоративни решенија забележа 1,3 милијарди долари нето приходи за фискалната 2020-та година, според информациите на „McAfee“.
„Goldman Sachs & Co“ и „Morgan Stanley & Co“ служеа како финансиски советници на „McAfee“, а „Ropes & Gray“ служеа како правни советници. „UBS Investment Bank“, „Jefferies“ и „BofA Securities“ беа финансиски советници на „Symphony“, а „Paul Hastings“ ја презеде правната страна на компанијата.
