Соработникот на „Apple“, „Foxconn“, објави дека очекува приходите во првиот квартал да пораснат за над 15 проценти во однос на претходната година, поткрепено со големата продажба на „iPhone“ и големата побарувачка за електроника за време на блокадите поради Ковид-19.
Претходно, најголемиот трговец на електроники во светот предвиде голема побарувачка за новиот „iPhone 12“, велејќи дека неговиот бизнис ќе биде поддржан од „посилна од очекуваната“ продажба на паметни телефони и комуникациски уреди со оглед на трендот на работа од дома поради пандемијата.
Тајванската компанија откри дека очекува приходите од потрошувачката електроника, која вклучува паметни телефони и паметни часовници, да пораснат за повеќе од 15% во кварталот од јануари до март во споредба со една година порано. Компанијата не сподели повеќе детали.
Од „Foxconn“ тврдат дека нејзините приходи од облачни производи, кои вклучуваат сервери и приходи од производи како што се лаптопите, ќе пораснат за околу 10% во првиот квартал, повторно на годишно ниво.
Минатиот месец, претседателот на „Foxconn“ изјави дека очекува компанијата и нејзините клиенти да се соочат со „ограниченото влијание“ на недостигот на чипови, што силно ја погоди автомобилската индустрија.
„Foxconn“, чие официјално име е „Hon Hai Precision Industry“, претходно соопшти дека очекува приходите да пораснат за околу 10% во 2021-ва година.
Во последната година објави неколку зделки за производство на електрични возила, вклучувајќи ги американскиот „Fisker“, кинеските „Byton“ и „Zhejang Geely Holding Group“ и единицата на „Fiat Chrysler“ – „Stellantis“.
Цената на акциите на „Foxconn“ се зголеми за над 20% од почетокот на годината.
