Екипата на Баер Леверкузен во своите редови го доведе халфот Емре Чан од Баерн, стои во соопштението на официјалната интернет страна на „аспирините“.
Договорот со 19-годишниот фудбалер е за 4 години, а во него има клаузула според која Баварците можат да го откупат за одредена сума.
Минатата сезона Емре Чан одигра 7 натпревари за екипата на Баерн. Халфот зеде учество и во еден натпревар на германската репрезентација на Европското првенство за млади во Израел оваа година.
