Извештајот на „McDonald’s Corp“ за последниот квартал не ги исполни очекувањата на приходите и профитот на аналитичарите, во услови на втор круг блокади во Европа, што ја погоди деловната активност на Стариот континент.
Сепак, закрепнувањето останува силно на главниот американски пазар.
Меѓународната продажба на постојните локации – клучен показател за перформансите – падна за 1,3% во четвртиот квартал, според „Bloomberg“. Ова е нешто подобро од падот од 1,5%, кој го предвидуваа аналитичарите на „Consensus Metrix“. Во Соединетите Држави, каде што ланецот има околу 14.000 продажни места и повеќе придвижувања, споредливата продажба се зголеми за 5,5%, што е исто така над очекуваните 5,2%.
Сепак, приходите од 5,31 милијарди долари заостануваат во однос на прогнозите заради пандемијата на коронавирусот и блокадите во земји како Франција, Германија и Шпанија. Растот во земји како Велика Британија и Австралија исто така се покажа како недоволен, истакнувајќи ја динамичката природа на пандемијата.
Профитот се намали за 12,4 проценти на 1,38 милијарди долари. Со исклучок на некои еднократни ефекти, заработката по акција беше 1,7 долари, во просек 8 центи повеќе од тоа што очекуваа аналитичарите.
„Минатата година ќе остане запаметена како една од најпредизвикувачките за „McDonald’s“, но и најинспиративната во нашата долга историја“, рече претседателот и извршен директор Крис Кемпчински.
Компанијата посочува дека ограничувањата како намалениот капацитет и работното време продолжуваат да имаат ефект во 2021-ва година во некои земји и континенти, што влијае на перформансите. Ограничувањата влијаат на повеќето клучни пазари на компанијата надвор од Соединетите држави, особено на оние со помалку „drive-thru“ локации, покажуваат податоците.
