Погледнете ја внатрешноста на „Galaxy S21“ (ВИДЕО)

Иако поминаа само неколку дена откако „Samsung“ ја претстави серијата телефони „Galaxy S21“, видеата за расклопување на уредот веќе започнаа да се појавуваат. Првиот од нив доаѓа од „YouTube“ каналот „PBKreviews“ и ни дава добар увид во внатрешноста на моделот „Galaxy S21“.

Како што можете да видите, „Samsung Galaxy S21“ не се разликува премногу од моделот „Galaxy S20“ кога станува збор за внатрешноста. Двата телефони имаат слична конструкција, со панел во горниот дел, веднаш до модулот на камерата. Батеријата е скриена под подлогата за безжично полнење.

Сепак, иако целокупната конструкција е слична, „Samsung“ направи неколку значајни измени во моделот од новата серија. За разлика од „Galaxy S20“, „Galaxy S21“  има две „mmWave 5G“ антени од двете страни на уредот. Поразличен е и горниот микрофон кај моделот „Ѕ21“. Разликата се забележува и во позиционирањето на вибрирачкиот мотор.

Покрај ова, „Samsung“ направи неколку мали измени за подобро да го имплементира новиот хардвер во „Galaxy S21“ и да обезбеди подобри перформанси за ладење.